恒生銀行創辦人何添逝世，終年近百，福壽雙全。城中嘅名人都出晒嚟向佢致敬，送呢位大慈善家最後一程。
八方未睇篇訃文，都知道何老先生嘅後人唔小嘢，好似佢個女何妙馨，就嫁咗畀立法會前議員朱幼麟。至於喺澳門嘅細姪何厚鏵就做咗澳門特首，重搞得澳門頭頭是道，佢阿爸何賢（即係何添個細佬）泉下有知，都應該感到自豪。
五年前何厚鏵參選，大家都對佢嘅緋聞甚感興趣，佢當年以四両撥千斤，自爆「結婚咁耐，的確有做過一、兩件對唔住老婆嘅事」解圍，真係高手，睇吓篇訃文，先知原來佢阿爸何賢有五個老婆，𠵱家只有一個重在生，就係何厚鏵嘅親生媽媽陳琼女士。


傳真︰2623-9278
電郵︰[email protected]