當年今日
關於我們

【韓流】尹恩惠變臉被質疑豐唇 玄彬夕陽下情深望朴信惠

蘋果日報 2018/11/01 16:00

阿爾罕布拉宮的回憶申惠善《死的讚美》心動警報朴信惠李鍾碩尹恩惠玄彬

韓劇《咖啡王子》34歲女星尹恩惠,大前年演出大陸節目《女神新裝》時因涉嫌抄衫而形象插水。近日佢終於回歸公仔箱,孖千正明合作嘅新劇《心動警報》噚晚喺MBN電視台首播,劇集開播收視有2.8%,比上周由崔振赫、宋昰昀主演嘅《馬成的喜悅》大結局嘅2.2%收視更高,成績叫做相當唔錯。
而尹恩惠噚日現身劇集發佈會時,就被發現樣貌與以前有很大差別,當中網民都指佢臉上疑似有打東西,同時亦覺得佢嘴唇比以前豐滿,質疑佢係唔係有後天加工。
而由韓國女星朴信惠夥拍型男玄彬主演嘅tvN新劇《阿爾罕布拉宮的回憶》,將於下月1號首播,劇組今日公開兩款主海報,兩款海報都差不多,從中可見玄彬同朴信惠喺夕陽下情深咁望住對方,海報上寫住:「最終今天嘅魔法開始了。」
另外,朴信惠嘅舊拍檔李鍾碩亦有新劇推出,佢同申惠善主演嘅SBS獨幕劇《死的讚美》早前已完成拍攝,根據今日韓媒報道《死的讚美》將於本月27號、12月2號及3號播出,每日將會播出兩集,合共六集。劇集以朝鮮時期女高音歌唱家嘅故事作藍本,李鍾碩喺劇中將飾演天才作曲家。
精選韓流,喺晒《娛果》
http://fb.com/appledailyent