人妻裕美同圈外老公林恩浩（Jason）去年底才結婚兩年，但近日爆出裕美出軌，佢搭上無綫藝人黃子恆，裕美仲去男方村屋過夜，事後裕美自爆搞緊離婚。

裕美噚晚喺Instagram上載咗3條片，佢話前年底、即婚後一年，夫妻間就發生咗啲唔愉快嘅事，雙方關係破裂，但大家始終解決唔到，裕美被指講時個樣齋喊冇淚水。

裕美閨密梁小姐向《蘋果》爆料，佢話：「見過裕美手腳有瘀痕。」暗示裕美遭家暴(新聞連結: http://bit.ly/1WOrkk5 )裕美噚晚po咗片，Jason之後都喺facebook貼出留言：「嚇一跳，然後得啖笑。」唔知係咪寸裕美，但呢句留言今日離奇刪走。

此外，去年12月15號，裕美同Jason仲一齊慶祝結婚2周年，然後同月20號就去咗朋友Kimmy嘅cosplay生日party。有數得計，裕美唔止單身咗半年，裕美同Jason至今係仍未離婚。

裕美喺去年12月20號藉口之後心情唔好離家出走，就去咗人哋屋企瞓。Jason一直都知自己戴緊綠帽，但係佢一直扮唔知等對方浪子回頭，自己成日搵教友祈禱哭訴。