有「鋼琴公主」之稱的孫穎前晚在中環搞40歲生日會，大她36年的鋼琴家男友劉詩昆、向華勝太太端木櫻子、周美鳳等人前來慶祝，孫穎與劉詩昆十指緊扣，她大晒男友送的鑽錶及6卡方形鑽戒。劉詩昆曾離婚兩次，問他會不會有計劃今年迎娶女友，他即發表愛的宣言：「我會永遠跟她在一起，她是我人生中的列車、火車，我跟她是人生最後一卡，也可以說是人生第一站的開始，以前的站今天看起來不值得回憶，感謝上帝給我最後、最美好、最永遠的。」
問孫穎劉詩昆會否送驚喜求婚？孫穎即表示：「我哋係靈魂伴侶已經超越求婚同結婚，結婚對我哋嚟講係幼稚園一樣，老師（指劉詩昆）心態咁好，睇嘢有智慧，可能活到150歲，要保障老師，為老師做更好嘅事。」劉詩昆即補充：「跟她一起以後，我越來越年輕，以前很蒼老。」孫穎亦肉麻表示：「以前老師話過我，我嘅係預演，showtime係等到老師出現，我好認同，冇好預演，正式表演唔會咁好，一齊係完美，可遇不可求。」

周美鳳感謝還清白

此外，日前司馬燕丈夫Togi發聲明澄清與小三Summer關係，被捲入事件的周美鳳表示：「完咗，得啦，我嘅介入同牽連已經搞掂full stop，多謝男方還我清白，其他唔係我問題，我冇興趣知，唔關我事。」周美鳳透露不會理會Summer揚言的法律行動，問她會否繼續和Togi聯絡，她表示：「唔會，唔知，隨緣，好難講，今日唔知聽日事。」
採訪：卓寶花
攝影：沈健程