近日大台搵嚟48歲阿嫲級嘅戴蘊慧相隔多年再演繹《我係小忌廉》，日本觀眾同樣對呢套經典動畫充滿情意結。日本女星太田貴子曾為《我係小忌廉》包辦多首歌曲及身兼配音，由佢聲演小桃及小忌廉，加上以甜美聲線唱出主題曲，令太田貴子於1983年甫出道即成人氣偶像。

由於太田貴子人到中年，而且亦係三子之母，所以94年退隱後完全懶理外型，而近年就以主婦姿態全面復出。雖然小忌廉已變肥師奶，不過太田貴子仍獲廣大粉絲支持，經常出騷大唱《小忌廉》名曲，日前度過其50歲生日，太田貴子與fans齊齊慶祝。至於一手炮製《小忌廉》嘅動畫大師高田明美，月前舉行個人展覽，太田貴子都有撐場。