又冇波打｜封場政策無限loop 教練炮轟政府抗疫無能
蘋果日報 2020/12/01 22:19
武漢肺炎又冇波打防疫措施劉嘉豪
康文署豁下球場周三起再度關閉。資料圖片
政府今晚宣佈明日起封閉康文署豁下球場，體育活動再次停頓，有籃球教練炮轟當局抗疫不力，政策朝令夕改，令業界飽受煎熬。
武漢肺炎再次爆發，政府本來轄免隊際運動免受二人限聚令規限，惟今晨於新聞公告又刪除這些字眼，今晚更宣佈關閉室內、外球場，籃球教練劉嘉豪炮轟當局抗疫無能，政策朝令夕改，「本來大家理解可以五打五，而家就封埋你個場，其實有疫情、封場、疫情緩和、開場、疫情再嚟無限loop（循環），球場每一兩個月又封，已經loop咗一年，政府防疫無能，市民做得幾好都係畀政府擊敗。」他指過去一年教練能工作的日子不足四個月，封場如同斷絕他們自力更生的機會，「政府基金加埋$12,500都冇，咁就成年喇，一班教練寧願自力更生，但係連機會都冇，林鄭仲口口聲聲話畀人做運動有助身心健康，而家連場都封埋。」
雖然香港本地籃球聯賽遲遲未能開鑼，但港隊一直密鑼緊鼓操練，備戰亞洲盃外圍賽，但球場即將封場，港隊教練安慶健表示港隊訓練勢要叫停，暫時未知未來有何安排。
籃球教練劉嘉豪無奈指球場封閉，教練失去自力更生的機會。資料圖片
-----------------------------
《體蘋果》陪你睇波講波
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！