由麥嘉、黃百鳴及國家一級演員蘇春梅主演嘅戲曲音樂劇《一代天驕》，將於7月19至22日假香港演藝學院演出5場，導演高志森及眾演員，聯同保良局主席蔡李惠莉等，一同去到銅鑼灣保良局，出席《一代天驕》記者會，該劇分別為保良局及智行基金會舉行慈善場。

黃百鳴表示，麥嘉不嬲冇記性：「當年拍戲因為有配音，所以佢會有豐富表情搭夠，畀佢過到骨，但係o依家要連做兩小時，要多啲排練好好寄熟。」黃百鳴剛做爺爺抱男孫，佢話係今年最好嘅父親節禮物，孫仔叫黃希諾。

麥嘉指自己記對白記性好差，所以有請教人點樣去記對白演出舞臺劇，麥嘉話：「冇得爆肚，一個字都不能錯，建議現代演員一定要做吓話劇，係一個好好嘅鍛鍊機會。」

保良局主席蔡李惠莉表示，尋日已經預先慶祝父親節，今個星期日再慶祝，蔡太話：「仔女都係送衫俾爸爸，因為爸爸好忙，冇時間買衫，一家人一齊有八個孫，o依家淨係同孫玩到好忙好熱鬧。」

精選娛聞，喺晒《娛果》
http://fb.com/appledailyent