事實上在佔領運動後,特首梁振英曾指有證據,證明有外國勢力介入佔中,又說適當時候會公開,政界中人指,現在連梁振英也快落任,「到今日梁振英都冇公開過,究竟有乜證據證明有外國勢力介入」,他聽聞西環收集到的所謂證據,其實全部查無實據,「咪又係民主派、佔中人士以往同外國非政府組織有來往、有外國非政府組織落過佔領區、點解佔領區有咁多物資,一定係外國畀錢」,這些所謂證據肯定「笑死唔少香港人,但同北京講呢,上面有人信到十足」。
所以該政界中人指,用「外國勢力介入」抹黑任何香港政治人物,在北京絕對有市場,「根本唔使有證據都有人信,亦唔會有人敢提異議」,所以他知道,有人拿曾俊華以往做財爺時到過那些美國智庫演講,「然後話呢啲智庫係外國勢力,『證明』曾有外國勢力支持」,又或指民主派提名曾有陰謀,「香港冇人信唔重要,總之只要北京信,就吹到幾大都得」,他直言若這也是證據,「成日同美國智庫有交流嘅董建華係乜先?咁中央發回鄉證畀民主派返內地,咪即係引狼入室?」
季陶
周一、三、五刊出