黃夏蕙今日去到銅鑼灣接受經理人Simon開設節目訪問，夏蕙B話未來會追討佢自稱前夫胡百全一筆信託基金，數字涉及億元。

黃夏蕙稱前夫胡百全逝世3年，佢同胡百全育有7位子女，一直冇去追討呢筆基金，而7位仔女亦全權交由夏蕙B去處理，無限支持，夏蕙B話：「一直係未有時間申領，基金係早已定落，遺產一直由律師處理，亦唔想佢人一走我就去申領，畀人話我爭乜爭乜。」

夏蕙B話佢同胡百全冇正式結婚離婚，因為相識當時仍然係大清律例，冇正式註冊，而夏蕙B話：「呢筆信託基金係早已分配好，唔使爭，只係未去申領，數字係億億聲，我會將自己嗰份部份捐獻社會，子女啲就自己處理。」

早前夏蕙B高調話要從政，結果又告終，夏蕙B話：「從政我只可幫到某啲人，0依家轉做義工團，主力幫老人家同年輕新一代上車問題，希望可以用筆基金部份興建老人院，貢獻社會。」