一班新舊亞視藝人及幕後職員，昨晚夾錢在尖東一間酒樓舉辦A記同學會飯敍，今年出席人數比去年還多，筵開40多席，出席人數達500人，當中包括去年都有出席的江美儀、韓君婷，還有劉錫賢、蔡國威、顏子菲、袁潔儀、麥景婷等人，帶同愛犬Teddy出席的江美儀還透露，沙姐林建明及杜汶澤合共捐了3萬元給大家抽獎，蔡國威則表示昨晚每人夾了400元。

劉錫賢感覺欷歔

早前由30A隆胸升級到33C的顏子菲，昨晚到場接受訪問時，提到呂晶晶曾經出席飯局被灌醉，她說：「我都有試過，但我成日都話第二日有嘢做，所以避咗。」她又自爆：「早前隆胸，好多人搵我，話出嚟有6位數字，飲酒行街就有5位數字，但經理人幫我推晒，我都覺得出嚟行街有5位數字不合理，同埋覺得心虛。」而劉錫賢昨晚到場，被記者問今年出席飯敍可會感到特別欷歔？他嘆謂：「都冇得欷歔啦！大家都係等緊，藝員就等約滿囉！」
另外，亞視今晚會播出首集《亞視光輝歲月》，過去多位《今日睇真D》主持會擔任嘉賓，林建明表示當年台前幕後共有200多位工作人員，陣容強大。林建明說：「因為林伯真係好有心為電視行業帶啲好節目畀大家，所以肯出錢出力投放資源，亦因為當時資源充足，所以能夠製作咁好嘅節目。」據知黃日華亦會參與錄影《亞視光輝歲月》節目。
採訪：黃曉妍
攝影：仇志德