林家棟、池內博之、廖子妤和導演鄭保瑞等人今日在九龍灣拍攝電影《智齒》，呢部戲經常要演員摷垃圾兼淋雨，現場衛生欠佳多曱甴老鼠，林家棟指最長拍攝19小時，:「準備咗15車垃圾又有10架水車，仲要拍打戲，我唔識就力打到手腳腫。」上個月家棟生日當日仲要拍攝在屎渠邊摷垃圾，唯有跟工作人員要求一次過完成該幕戲。

至於廖子妤喺戲中做毒犯，其間與李安兒子李淳傾偈，讚對方有禮貌。而池內博之做拾荒者，更因拍此戲染上感冒，佢話：「熱天時着冬天衫拍戲，日本冇呢啲天氣，所以拍攝時好辛苦。」問佢會唔會被嚇怕而唔再與鄭保瑞合作？池內笑言：「唔會，會跟住佢。」佢更為拍此戲減30磅，刻意早晚跑步兼食沙律。