彭丹前晚深夜偕同男性友人在銅鑼灣UA時代看電影《師奶殺手》午夜場期間,疑因男方酒醉,雙方發生爭吵及滋擾其他觀眾遭投訴,其後男方被職員勸離座至大堂時,有人揮拳打傷職員,警員事後拘捕涉嫌傷人的彭丹男友人。
男子$500保釋
案發後,彭丹乘警車返警署協助調查,至凌晨約一時四十五分獨自離開警署。而涉嫌傷人被捕的四十四歲姓曹男子在警署內經錄取口供及調查後,准以五百元保釋候查,下周三(十六日)返警署報到。
彭丹昨日在電話澄清該名男子並非其男友,她說:「佢係我朋友嘅朋友,噚晚我同幾個朋友食飯,飯後就買咗飛睇戲,因為我同幾個朋友唔同時間入場,所以我叫佢哋先買飛入去,到睇完戲先再碰面,所以鬧事嘅人唔係同我坐埋一齊,更加談唔上係男友。不過警察嚟到時,我係有主動同差人講使唔使協助調查,咁差人就請我返差館,我大約逗留十分鐘,差人話唔關我事就叫我走先。」