【傳成龍擁30億身家】卓林係非婚生子女 律師:如果冇遺囑可以分
遺囑成龍吳卓林
卓林同太太Andi財困欠租,吳綺莉要出手接濟,外界質疑卓林係成龍非婚生子女,他日可唔可以承繼父親遺產。(攝影:楊浩賢、吳耀輝/資料圖片)
吳卓林與太太Andi日前返港定居,入住旺角賓館,二人欠租5日共2,250元,賓館東主再次催租不果,由於卓林身上只剩20元,東主報警求助,最後要吳綺莉收拾殘局,最後卓林同Andi坐的士返大坑寓所。
卓林由於無工作,生活屢次出現問題,而外間盛傳卓林生父成龍坐擁30億身家,之前成龍曾在訪問透露身家一半會給予太太林鳳嬌同兒子房祖名,另一半捐作慈善,作為成龍的非婚生子女,卓林可否分到成龍身家?《蘋果》今日致電黃國桐律師,他表示:「可以分,因為子女包括非婚生,香港係根據普通法,有遺囑跟遺囑,如果冇,配偶先分一半,之後子女平均。」再問到如果成龍預立遺囑,是否可以排除卓林繼承權?黃國桐表示:「係,跟遺囑,如果遺囑冇佢名係冇,普通法係尊重遺囑。」
精選娛聞,喺晒《娛果》
http://fb.com/appledailyent