【幫老公洗底 】張致恒老婆IG貼文爆被恐嚇 再次澄清黑面出嫁傳聞

蘋果日報 2019/09/25 13:15

結婚張致恒區燕雯
    張致恒（Steven）今年七月在社交網開心宣佈結婚，卻隨着他被揭一腳踏五船，多位女受害人湧現，令他形象急插水成為賤男中的賤男，身邊好友排着隊跟他割席。不過新婚妻區燕雯（雯雯）連月來努力為老公「漂白」，不時在社交網貼父子相，為Steven塑造好爸爸形象。
    昨晚雯雯再於IG貼長文，上載上月2日註冊結婚的照片，解釋當日為何毫無笑容，自爆因為收到不少陌生人的侮辱她的訊息，那些人更恐嚇她會傷害她的小朋友，令她受驚及擔心，同時她又重申自己未有在不願意情況下結婚。
    雯雯在長文寫：「一切都來得好突然……由細到大都冇諗過自己結婚會係點樣，甚至會唔會結婚，完全冇想像過會喺咁多事情發生嘅情況下就嚟到呢一日……當然內心深處係好開心同興奮，但實際上我係好驚好緊張好擔心。」
    她續透露：「結婚前一個月我收到好多受害人加埋陌生人嘅一啲鬧我侮辱我、恐嚇我甚至話要對我小朋友不利嘅訊息 ，所以結婚當日我完全控制唔到自己驚同擔心嘅表情+心情，我只係一個普通人第一次做媽媽，有咁多呢一類嘅訊息……當然我係真係驚有人會咁樣做，所以當日我成日會周圍望……個人好疑神疑鬼……冇咩表情。」
    「我絕對唔係有唔願意同勉強嘅情況下去結婚。其實同一個人可以行到結婚呢一日係一種好大嘅考驗……我唔知道人哋係點樣睇結婚 但係對於我來講……結婚係一樣一生一世嘅一件事，我既然選擇得同呢個人結婚，無論發生咩事我都一定要陪佢行落去。」
    最後，雯雯向祝福她或者不祝福的人表示，她現在已經不是一個人，所有的事已經不只是她一個人的事，她會努力學習三個人的生活，盡努力令自己成長。文章末端則寫上「2020.9.2 見」，這個Steven透露會補擺婚宴的日子。

    -----------------------------
    【撐學生】
    召集有心人 撐學生全年睇《蘋果》
    立即按此
    -----------------------------
    《囚牢之疆》 專頁
    揭開集中營邪惡面紗
    今日新疆 明日香港
    empty
    （網上圖片）
    empty
    雯雯昨晚再貼上月結婚照。（網上圖片）
    empty
    雯雯經常在網上貼相。（網上圖片）
    empty
    Steven都有上載和囝囝合照。（網上圖片）
    empty
    April被分手後去了外地散心充電。（網上圖片）