全民造星III丨CY駁嘴辣着ViuTV高層 雨僑欣賞奇怪性格似足老公羅力威
蘋果日報 2020/12/27 16:24
陳奕迅雨僑羅力威CY陳澤言
陳奕迅是很多人的偶像，當年樂隊Mr.都作歌唱《如果我是陳奕迅》起朵，昨晚ViuTV《全民造星III》總決賽的參賽者CY（陳澤言），在第3輪個人表演賽時，揀選《如果我是陳奕迅》應戰。在整季節目中CY被批評為神經刀，但又獲彭秀慧、「花姐」黃慧君，甚至評判欣宜讚賞他的儍勁，昨晚CY演出的台風、舞姿，以致在台上瘋狂走動多謝樂手的神態，無疑都似足Eason的神經刀作風，身為評判兼ViuTV高層金廣誠直指CY似Eason，惟CY直腸直肚駁嘴令高層黑面，分分鐘前途受阻。
CY昨晚演出後，評判之一的ViViuTV製作部副總裁金廣誠，先叫他模仿參賽時被導師彭秀慧鬧「爛泥扶唔上壁」場面，於是CY簡單照做。接着金廣誠批評：「我覺得你把聲有少少似Eason嘅初期，我好想你有自己style出嚟。」CY臉帶輕佻錯愕：「但呢個我把聲嚟㗎喎，我平時講嘢把聲都係咁。」主持強尼都O嘴即轉移話題：「叫佢重演彭秀慧嗰幕，係咪覺得佢嘅style可以做戲呢？」金廣誠說：「想佢多啲嘢發放到出嚟，唔知佢係咪真係鍾意做戲。」不過有人都為金廣誠平反，指金廣誠主動要求向CY提問，又指CY大叫NY出場，亢奮表現都令金廣誠笑不攏嘴。
這幕小驚喜令觀眾發笑，不少網民指高層被CY寸到黑面，擔心他能否繼續在ViuTV發展。CY的舉動雖然有人覺得寸嘴，但亦有人覺他只是率直無心之失，見到場面唔知好嬲定好笑，認為火花總比其他評判一味有讚冇彈更真實豐富。有睇開節目的DJ麻利在網上留言想睇CY battle 羅力威。原來雨僑都係CY Fans，她留言反問：「Battle講嘢？我由CY一出場就叫佢睇，佢ｍiss咗我迫佢上網睇返，佢而家已經好了解CY，我taste真係好貫徹。」網民期待二人一齊接受訪問。
雨僑老公羅力威2009年參加亞視歌唱比賽節目《亞洲星光大道》得冠軍，當時他性格孤僻不太喜歡說話，更會避開傳媒訪問，舉動莫名其妙。想不到雨僑因為覺得CY和老公性情相似被吸引。
今日雨僑接受《蘋果》電訪問指，最初覺得CY好木獨沒大反應，至面試時見他表演跳遠和唱歌，即開始留意對方，雨僑說：「覺得好好笑，叫我老公一定要睇呢個人，佢應該好清楚，因為佢都好似CY，有時反應好奇怪，講嘢好直接，同埋唔會好圓滑說話包裝自己，但好鍾意音樂唱歌好聽。」而羅力威亦應太太要求一齊支持CY，她說：「老公都有睇，佢都覺得CY木獨，舉動好奇怪，但見到佢揀嘅歌就知佢內心有一種自信。」雨僑笑指如果安排兩人一齊做訪問，應該要準備隨時fade out插廣告。
CY唱歌台風的確似模仿Eason。(網上截圖)
CY的對答令強尼即轉移話題。(電視截圖)
CY在台上的興奮態度跟Eason相似。(資料圖片)
雨僑和羅力威都支持CY，皆因感覺熟識。(IG圖片)
麻利要求睇CY和羅力威Battle，雨僑即回應。(IG截圖)
網民重提當年羅力威參加比賽時經典對話。(IG截圖)
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！