【賢仔Call馬】馬會前主席愛駒 絕非泛泛之輩(廖浩賢)
潘頓賢仔call馬紅運戰士廖浩賢
眾所周知,蔡約翰是慢熱馬房,開季成績差早在預期之內,明晚(26日)賽事開始上陣馬終於踴躍,下周一(10月1日)國慶日更是空群而出。
而在今次四匹參戰馬中,有三匹是季內第二次上陣,第四場「鄉村瑰寶」固然是眾矢之的,但第五場「紅運戰士」(馬主是馬會前主席夏佳理)賽前部署亦不容睇小。
第五場三班1650米:「紅運戰士」上季3月尾來港,試三課大閘歇暑,今季再試兩課閘便安排上陣,以蔡廐馬一貫試六、七課閘,才派遣出賽來講,未免算少。
上仗初出跑谷草1200米,在兜大彎蝕位情況下,末段仍能追入第四名,以初出馬計,演出確令人驚喜。
亦認定「紅運戰士」質素非泛泛之輩,今戰距離上仗21日,五日前(21日)再安排試大閘作最後試跑,動機當然將狀態進一步提升。
今次增程跑一哩,本身在英國三勝都是1600米,左轉右轉都得,而且跑法機動,前領或守二、三位都可勝任,戰略充滿彈性。
今場預計「萬事醒」及「開心駿馬」擺前走,可守二、三位食糊位,加上潘頓主轡,馬房目標清晰又明確。
第六場四班1650米:「快利寶」上季尾贏馬戴耳套眼罩,今季復出卻除去眼罩,只用耳套上陣,滿以為會稍為留住衝,出閘未算最快。
但韋達左望右望怕被頂出三叠,索性騎多兩步跟前三、四位,可能早段用力過多,或許直路過早望空,拉士鬥落得個追字。
策略上或多或少有出錯,但亦證明除眼罩與否,與馬匹真正實力無關,今趟馬房決定首次戴面箍上陣,目的想更集中精神,用意向好。
上周報跑泥地,因「山竹」取消賽事,便決心留力等今仗,抽11檔,如無意外出閘即攝入內欄找遮檔,相對戰術不用三心兩意。
韋達高伯新組合今季合作兩次熱門皆碰壁,有望憑「快利寶」收復前失。