無綫資深演員廖麗麗日前因舌癌病逝，享年70歲，廖麗麗數月前發現患上舌癌，隨後擴散到淋巴及肺部，延至本月4日凌晨不治。

關於「舌癌」這個病，耳鼻喉科黃漢威醫生回應《蘋果》，指醫學界研究所得，有吸煙、飲酒習慣或舌頭經常出現創傷嘅人仕，患病的機會率較一般人高。至於如何能察覺病徵？黃醫生指：「初初會好似生『痱滋』咁，好多時會喺舌頭左右兩旁嘅位置，好多時都只有一粒，同時生幾粒嘅機會唔太大，如果發現呢粒『痱滋』一直都唔埋口，唔好番，就要特別留意喇！」

黃醫生又指：「舌癌同其他癌病一樣分為四期，如果係一、二初期嘅話，可以透過電療方法去醫治，又或者將舌頭上癌細胞部份切除再摓合就可以，但如果擴散咗去其他地方，咁就要配合其他手術或藥物進行治療。」