【爆相爆片】陳冠希舊愛謝芷蕙(Cammi)四年前戀上內地富二代,曾獲對方打本搞時裝生意,但喺上年年尾因性格不合分手。但Cammi最近又有新歡喇。讀者陳小姐透過《蘋果》「爆相爆片」,分享Cammi拖新歡去東京嘅相。
陳小姐接受電話訪問話今個月3號喺地鐵撞到同樣去築地嘅Cammi同新歡,最初唔確定係Cammi,陳小姐話:「佢哋拖埋個篋坐車,唔知係咪啱啱落機,Cammi同男友喺車廂幾親暱,又攬又拖。個男仔負責拖篋,Cammi全程手揈揈。」陳小姐提供嘅相同片,見Cammi同男友衣着casual,男友個樣有啲似「年輕版魯振順」,新歡搭住Cammi膊頭,而佢亦好小鳥依人挨住男友,全程面對面企。