陳奕迅（Eason）一連2場「EASON'SLIFE」演唱會噚晚喺台北小巨蛋舉行，斥資100萬港幣重新設計5套衫。可能Eason上次台灣演唱會比人話唱太多廣東歌，所以今次27首歌只唱咗一首廣東歌。

噚晚樂隊蘇打綠、楊丞琳、林志炫及何麗全等人到場觀賞，Eason太太徐濠縈，囡囡包包，父母親都專登飛去台北捧場。

一向鍾意講廢話嘅Eason，噚晚配合用音樂串場嘅主題，竟然去到演唱會尾聲先開聲講嘢:「真的忍得很久，好辛苦！不能說話好辛苦。可是開演唱會，唱就好了，要看我說話看《康熙來了》吧。」

噚晚台北落住雨，氣溫只有近十度，但台上嘅Eason依然全身大汗，佢講笑話:「對啊，我就是因為太肥吧！肥人就是這樣。哈哈，我現在一百八十磅左右吧，其實我在意的，但就是減不來，肥人容易累，冬天嘛，綵排完我就覺得累了，呵呵，冬天嘛最好是吃完去玩，玩完睡。」問到會唔會同太太跑步，Eason話:「這個肯定不可能發生。哈哈。阿徐是十分喜歡跑步，因為運動會分泌出安多芬讓人快樂。而我不用跑，她就已經是我的安多芬了，所以我跑不了，哈哈哈。」而阿徐亦喺微博繼續捧場話：「今晚要坐定定看！」