雷神莫雷拉一日八W不止係城中熱話，更成為國際馬圈新聞。雖然雷神昨日（5日）亦有輸熱門，但與二哥潘頓相比，所不同之處係佢冇咁核突；兩者最大分別係雷神唔會一冇就全日隱形，但潘頓就經常係咁！

周三（8日）晚雷神座騎勢必熱上加熱，睇番以往數據大多會輪到潘頓抬頭，因賠率會較正常有偏高回報。

當中潘頓忽然騎吳定強馬房第三場「肇慶威威」，騎練近四季只合作三次獲兩P，今次好有機會取得零的突破。上仗在嫌短的1200米追入第四，反映評分跌至新低已屆反彈點。

另外，頭場姚本輝馬房的「駿擊快車」上賽後獲降五班，馬房即操而不戰，一早攞定保護權等今場，谷草1000米季初跑四班曾走光，以上兩駒換潘頓亦不會熱至乏味屬最大賣點！