【本報訊】「原本今晚（昨晚）同阿龍去長洲出席親友喪禮，估唔到家我要幫佢搞白事！」尖沙嘴諾士佛台兇殺案死者張健龍家人，昨日到殮房辦理認屍手續，阿龍父親在殮房外說到兒子生前種種，不禁悲從中來。
24歲死者張健龍，英文名Kinno，花名「火狗」，與家人居住大嶼山鹹田舊村。張父指愛兒十分孝順，生活健康正常，「佢好孝順好顧家，有畀家用又幫手做家務，鍾意踢波同游水，生活正常。最近佢忙緊安排同隔籬村嘅足球比賽。同村好多後生仔因為生事俾差人拉過，阿龍好聽話，從未惹過事」。

在場友人表內疚

張健龍任職裝修散工，有父母及一胞姊，他是家中經濟支柱，一邊工作一邊修讀工商管理課程，家人形容他勤奮好學。阿龍胞姊說，前日事發後她與父親趕往醫院時，醫生稱弟弟因嚴重內出血，已盡力搶救，着家人有心理準備。她又謂，阿龍寵愛的金毛尋回犬「Water仔」，似已知道主人遇害，終日沒精打采。
阿龍出事後，好友紛紛在facebook上留言悼念。事發時在場的友人LoSun留言稱感歉疚：「我喺你身邊，但係我乜都做唔到……我真係好冇用，好對唔住啊！火狗，一路好走。」也有友人為其家人打氣：「希望佢家姐堅強啲，睇開啲。」