第十場三班1200米，初出馬「比卡超」是自家制PP，牠在新西蘭時屬港人馬主名下，兩歲已被遣往試閘，前後總共試過五次，由於本身是十月尾出生的遲胎，加上Keeper子嗣並不早熟，所以試閘表現未算突出，而且試足一年才安排正式出賽，實行操好才跑。上年11月中，此駒在當地初次上陣，即能輕取對手超過三個半馬位，三星期後轉到另一個馬場再跑，又再贏接近兩馬位。雖然牠只在兩個名不經傳的細馬場贏馬，但這類自家制PP的賽績不必介懷，反而潛力肯定仲有大把在手。「比卡超」雖然三月中才開操，但五月份兩度試閘走勢不差，近兩星期加強操練，安排連課拍跳，似乎想在煞科前上陣兼取得好成績，馬匹狀態亦有作戰水準，今次初出已經需要留神。

詳盡內容可留意明日<<蘋果日報>>及蘋果馬網 http://hk.racing.nextmedia.com