【好有愛】狗狗闖入瞓地 朗豪坊暖男保安送水送糧
保安朗豪坊狗狗好人好事油尖旺地區消息蘋地
唔知大家仲記唔記得4月有一宗荃灣「狗狗被趕」事件,一隻流浪狗喺落雨嘅時候行到一幢大樓門外避雨,卻慘被保安驅逐,雖然事後證實咗係誤會,但大家都對嗰位保安嘅行為唔太滿意。而今日又發生咗另一件狗狗與保安嘅事件。
今日有網民喺網上發佈咗一單狗狗事件,佢今朝返工時,見到有一隻狗狗獨自走入朗豪坊,身邊出現咗一位暖男保安,佢不單只冇趕走狗狗,仲同狗狗按摩,俾水狗狗飲。保安行為充滿愛心,狗狗亦表現得相當乖巧。但有網民指出狗狗頸上有頸圈,希望主人快啲接返狗狗。
暖男保安行為喺網上面得到網民一面倒大讚,「保安叔叔 我比個like你」、「保安叔叔一定是個愛狗人士 畀個like你 多謝你」、「支持呀!好有愛!主人要多謝反(返)保安人員呀」。
發掘更多身邊的小城故事,請 LIKE 蘋地 Facebook Page,並設定為「搶先看」: https://fb.com/appledailyland
4月有一宗荃灣「狗狗被趕」事件,一隻流浪狗喺落雨嘅時候行到一幢大樓門外避雨,卻慘被保安驅逐,雖然事後證實咗係誤會