現年40歲嘅日本女星中谷美紀，去年被爆跟交往多年嘅男演員渡部篤郎分手後，剛出版嘅雜誌《女性Seven》公開佢已有新戀情，更拍得佢攬實老外男友喺西麻布拍拖。中谷美紀最近終於有着落，日前晚上被記者影到與外籍男伴現身西麻布，由於正落住微雨，二人共用一把雨傘，更自然地攬住同行，態度親熱。

消息曝光後，中谷美紀嘅發言人已大方承認戀情，並公佈男友正係48歲嘅德國中提琴家Thilo Fechner。中谷美紀新歡Thilo Fechner係維也納國立歌劇場管弦樂團成員，出生於音樂世家，今年10月初佢到東京參加國際級指揮家小澤征爾嘅演出，繼而獲友人介紹下認識中谷美紀，兩人一拍即合發展成情侶關係，拍拖約1個月。不過男方目前已返回家族，中谷美紀要Long D維繫呢段異地戀，而Thilo Fechner暫定下月會再到日本工作。