駐港解放軍部隊直升機昨在大欖郊野公園失事墜毀，港府延遲一日才公佈。新界西立法會議員朱凱廸透露，昨日其實已有居於墜機現場附近的八鄉居民詢問是否有直升機墜毁，但因當時十分大霧，「所以佢睇唔到煙同火，只係聽到巨響，後來就有好多解放軍直升機去到肇事現場，但都係因為好大霧而折返。」

朱凱廸回覆《蘋果》查詢時指，有行山朋友向他指出，今早八鄉甲龍村上的甲龍行山徑已經被解放軍封閉，同時有香港警察在場，反映港府一早知情：「由噚日下午到啱啱（政府）嘅宣佈，足足20幾、30個鐘，可能公眾需要知道嘅資訊，不知（政府）用咩方式消滅咗。喺香港一個撞車都會賣新聞嘅地方，有架軍用直升機墜毁，政府竟然隔咗逾24小時先公佈。」

他認為立法會保安事務委員會需要跟進此事，因為這涉及公眾安全，加上是香港主權移交後解放軍的最嚴重意外：「立法會要問政府，究竟解放軍係幾時話畀香港政府知（有直升機墜毁）？當解放軍話咗畀香港政府之後，點解政府隔咗一日幾先話畀香港人知呢？」

他指，八鄉居民十分擔心此事，因為解放軍平日經常有演練，包括發射槍炮、直升機巡邏，原來也會發生意外：「（演練）密度係好高，佢哋會擔心呢啲意外會重複。」他又指，如果機上有任何有毒物質，一旦墜毁，可能會影響居民人身安全，故政府絕對有必要盡早讓市民知道。

民主黨立法會議員林卓廷也認為事態嚴重，整件事透明度嚴重不足，又指墜機是嚴重事故，香港人口密集，解放軍或者政府沒有理由不作通報，保安局有必要向立法會保安事務委員會提交報告，委員會亦需要跟進事件。他認為，同類直升機需要即時停飛。

記者 姚國雄

-----------------------------
【武漢肺炎】專頁
全民自救 抗疫資訊盡在《蘋果》
-----------------------------
【撐學生】
召集有心人 撐學生全年睇《蘋果》
立即按此