當年今日
關於我們

【FF女神】吳若希自爆曾收下體照 李靜儀:過份啲會想同我咩

蘋果日報 2015/03/17 06:00

蘋果即時

對偶像存在幻想相信係唔少粉絲試過會做嘅事,而將幻想付諸實行又係咪會為人接受呢?

吳若希、李靜儀(Heidi)今日就以電玩中「FF女神」造型,現身奧海城宣傳新遊戲推出,FF一詞喺網上意解「最終幻想」,Heidi自爆有粉絲視自己為佢嘅FF,而吳若希都話今年滿足咗粉絲幻想,喺中、西兩個情人節都喺工作中同佢哋度過。佢哋喺活動中擺出吸引人嘅打機甫士,又邀請男粉絲上台自拍合照。

講到現實生活中,有冇試過粉絲有過份嘅幻想要求,Heidi話:「普通啲會係留言指想做我男友,過份啲會想同我咩(發生性行為),我都會選擇唔理,因為刪除呢啲留言,只會令佢哋行為更激。」

吳若希試過在微博有人私訊自拍下體裸照,佢話:「我都係唔理,然後封鎖對方。」佢哋兩人都認為呢啲行為過激嘅粉絲都係想得到佢哋嘅留意同關注,而大部份粉絲行為都好正常。