相信大部份人都好懷念實體鍵盤打字那種爽快感，不過Smartphone興起之後，有實體鍵盤的電話買少見少。現時市面上，智能同鍵盤並存的電話，相信只有BlackBerry，但又唔係個個鍾意食黑莓。
如果用iPhone又想用實體鍵盤？TypoProducts推出這個TypoKeyboards，其實係一個唔錯嘅選擇，它是一個連鍵盤的Case，鍵盤用藍芽連接，非常方便。付出$99美金(約$770)，就可以尋回以前的超爽打字感覺；不過又產生另外一個問題，就係裝完個鍵盤Case之後，部iPhone變得好長，好似遙控器，唔太美觀呢！爽快vs美感，你揀邊樣？