今日嘅馬場都有唔少星蹤，首先就見到夏蕙姨，佢嚟緊馬場就話支持每場2號同3號馬，而有夏蕙姨嘅加持截至身第八賽事喺第三、四場都由3號馬勝出，而第一、五場由3號馬跑第二；而喺第四場冊同第七場分別由2號馬跑第三同第二。

另外，馬德鐘同馬太張筱蘭、仲有陳玉蓮齊齊現身撐佢哋名下嘅團體馬「快樂實在」，不過成績就強差人意，跑尾二以第12名衝線。而今次係「快樂實在」出賽5次以嚟，第一次零獎金。

成績唔理想嘅仲有蘇志威嘅愛駒「駿王」，喺第八場出賽嘅「駿王」今次係一次喺香港出賽，不過就跑第尾，輸近28個馬位，而賽後蘇志威仲同練馬師密斟o添！

《蘋果》仲搵嚟蘇志威，對於愛駒「駿王」成績未如理想，蘇志威態度豁達：「輸咗！不過今次都係畀佢出嚟感受下角逐個感覺。」至於會唔會失望，佢就話：「唔會話失望，都係畀佢出嚟跑下。騎師話佢唔係好習慣，佢始終一年冇比賽，今日睇佢正賽嘅感覺，不過佢嘅感覺唔係太濃，所以都要再跑多次，試下佢感覺。」問到佢有冇落注支持，蘇志威表示：「少少都要支持，無所謂啦！」佢又透露最快會喺下一個馬季再幫「駿王」報多一場比賽。