【《我們正在》演唱會】何韻詩獻唱《青春祭》 盧凱彤留下的作品
盧凱彤 何韻詩
Your browser does not support the video tag.
何韻詩今晚喺科學園開《On The Pulse Of 我們正在》演唱會,演唱會入面唱咗唔少經典歌曲,好似有《再見露絲瑪利》,唱完之後佢仲同觀眾講:「開心呢,10世無唱,有無人記得上次唱係幾時?正確答案係我自己都唔記得。今次演唱會係一個旅程,我哋都老啦,呢樣無得唔認,生活上有咁多經歷,開心唔開心嘅情緒都有過,亦有過無助時候,所以今次係向心探索嘅旅程。」
之後阿詩換上米白色乾濕褸唱出《青春祭》,呢首歌係盧凱彤(Ellen)作畀阿詩嘅一首歌,呢首歌之後,阿詩就唱梅艷芳嘅《似是故人來》及Ellen另一首作品《大拇指之歌》。
阿詩又話要多謝所有工作人員,先有呢個聖誕禮物送畀大家,好彩天公造美,佢話:「戶外演出好大膽,早知就開兩場啦,開六場真係有啲淆底。真心希望大家都可以撐住,從容面對所有困難,見到我企喺度唱歌應該點都畀到少少動力你哋,事關我經歷嘅高高低低,高峰低谷多過常人好多倍。」然後阿詩再唱一首新歌《代你白頭》,佢話:「啱啱噚日先收到呢份禮物,係黃偉文填詞,首歌我自己寫,一個好新嘗試,我奉獻咗十六個字,首歌係送畀一個人嘅。」仲話聽日會上載歌詞到網上,估計係送畀盧凱彤嘅歌。阿詩填嘅詞就係:「星際 銀河 數盡 細沙 一剎 恆河 返回 最初」
精選娛聞,喺晒《娛果》 http://fb.com/appledailyent
演唱會song list: 1.Kanagawa 2.親愛的黑色 3.勁愛你 4.元神出竅 5.瘋子 6.花花 7.劍雪 8.神經痛 9.明目張膽 10.查理淑儀 11.木紋 12.Interlude 13.化蝶 14.狂草 15.願我可以學會放低你 16.再見露絲瑪利 17.給自己的情書 18.眼淚教我的事 19.Interlude 20.青春祭 21.似是故人來 22.大拇指之歌 23.Universe 24.鬼 25.極夜後 26光明會
阿詩叫歌迷有困難時要好似佢咁撐住,因為佢自己經歷咗高高低低。