ViuTV選美嘅紋身女石希露(Olga)，今日被揭曾遭前男友虐打，所以要紋身自強。

雖然兩隻手臂紋晒身，搞到生人勿近咁，不過Olga由參選真人騷至今，一直話屋企養咗16隻貓，全部都係被遺棄同街邊嘅流浪貓。

鍾意小動物嘅Olga，原來正職係喺荃灣一間動物診所做護士。今日記者喺診所見到Olga，雖然佢着住診所制服，但兩邊手臂嘅紋身依然清晰見到。

由於診所只得Olga同另一個護士，不過求診嘅客人，高峯期有成10幾個，搞到Olga騰嚟騰去踢晒腳。

雖然忙到癲，但記者見Olga就算再忙，都好用心咁向主人講解手術過程同醫生開嘅藥物。得閒少少，仲會主動幫客人去貼尋寵物街招，又會幫診所治養嘅兩隻貓貓剪指甲，對小動物無微不至。