郭生話：「市場湧現唔少解釋，甚至有人話網上流傳有段短片，影到每逢禮拜三，跑道內檔不斷有灑水活動。內檔濕𣲷𣲷，外檔反而有着數。不過全部都係傳言，聽吓好喇。」佢補充話：「你唔發覺呢排無端端多咗人爬入馬場，行入跑道咩？其實佢哋唔係白撞，佢哋一向依賴數據分析，不過突然發覺個分析model失靈，所以即刻做sitevisit去睇點解。」
華華：「咁盡責？個啲亂出AAA信貸評級嘅分析員真係要學吓。」郭生：「係呀！呢啲咪係專業、有心機嘅分析員。」
不過可能因呢個「外檔黑天鵝」嘅影響，散場時華華同郭家耀都係風吹雞蛋殼，財散人安樂！