王浩信(Vincent)因為要去美國登台，所以今個父親節冇得同囡囡一齊慶祝父親節。

諗住2018嘅父親節咁就冇咗？原來未必嘅，老婆陳自瑤（YoYo）今日出席新劇《天命》宣傳活動時，就好醒目咁反問記者：「想問我會唔會同Vincent慶祝？」

係呀，都係呢類問題啦！YoYo笑晒口話等老公返嚟補祝，佢話：「我今晚會同屋企人慶祝。（包括埋王浩信爸爸？）係會一齊嘅。（代王浩信送嘢畀爸爸？）留番畀佢搞喇。」咁孝順嘅新抱仔，真係抵錫。

YoYo透露囡囡鍾意做手作，相信王浩信會收到囡囡親手製作嘅禮物。YoYo透露囡囡嚟緊升讀小一，成功考到心儀學校，問到囡囡心情點？佢話：「大家好問咁多就唔會影響佢，小朋友係無辜嘅。」

精選娛聞，喺晒《娛果》 http://fb.com/appledailyent