林嘉欣一向我行我素，2010年想嫁就嫁、想生就生。復出拍片，兩三年下來就成為金馬獎大滿貫影后。她上月到巴黎看法牌Carven 2017春夏騷，林嘉欣之後又參觀網上名牌店collector square總部。

提到名牌，她回憶十年前巴黎時尚初體驗，「十年前，我受台灣Chanel邀請第一次黎睇騷，嗰時好似遊客咁，坐第一行，旁邊係泰國公主，好多保鏢，感覺係好唔真實，好唔同。」當時所買兩個復刻版手袋，更成為她保留至今的紀念品，「唔會留俾啲女，可能佢地會覺得，『咦，舊嘢唔要！』小朋友好難估計。」

她反而希望盡為人母責任，提醒大人多為忙於學習的兒童著想。年底再次推出兒童書，「下個月會出6本繪本系列，由6個不同風格既本地畫家嚟畫，好好玩；亦係盡緊我某個責任，希望提醒我哋大人多啲用小朋友角度睇世界，其實佢地好真、好敏感。」

更多時尚、美容新聞，即上： http://add.appledaily.com