【多功能老公】霍啟剛偷時間同郭晶晶拍拖 吼仔女瞓晒夜晚出動睇《 天能》
蘋果日報 2020/09/13 13:22
霍啟剛郭晶晶天能
（IG圖片）
霍啟剛與「跳水皇后」郭晶晶於2012年結婚，將於11月二人就結婚8周年，二人育有一仔兩女，分別是7歲大仔霍中曦、3歲二女霍中妍及1歲孻女，一家五口原本住霍家位於沙宣道的大宅同區的2000呎排屋，近月搬入赤柱三層的萬呎、價值1.6億的超豪獨立屋，仔女夠晒活動空間。
啟剛早前因參選立法會出戰體育、演藝、文化及出版界功能組別，因而在社交網積極做KOL工作，他未有因立法會選舉延遲一年影響，繼續在facebook及IG出帖文分享生活點滴。前晚，他就難得放低三個小朋友，與老婆去拍拖，去睇《天能》，由於要就小朋友睡覺的時間，他就揀了睇晚上近10時的場次，更留言：「小朋友瞓晒，又二人世界」，更在商場shopping，去幫襯機械人手臂製作的珍珠奶茶。
與老婆二人世界後，昨日就變回做爸爸的角色，帶晶晶及3歲的囡囡中妍去玩攀石，兼表達早前因疫情影響令不少運動場所關閉，而影響運動員的收入，相中見他與晶晶及囡囡在攀石相的背影合照，而晶晶就攀得高過啟剛，他有在帖文分享感受：「攀咗一陣就出晒汗，下次帶埋阿仔再嚟玩」，更hashtag了「#始終唔夠老婆身手敏捷」，有不少網民都有留言讚晶晶厲害好身手。
兩公婆前晚二人世界。（IG截圖）
去睇《天能》。（IG截圖）
幫襯機械手臂珍珠奶茶。（IG截圖）
另一日，就再與老婆帶二女去玩攀石。（IG截圖）
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！