當安仔還是一歲多的時候，他猶如一隻甩繩馬騮，終日最愛蹦蹦跳，可是自兩歲開始，一切都改寫了。「喺安仔兩歲嘅時候，我發現佢成日跌倒、企唔穩，最初都唔知乜嘢事，後來醫生終於證實佢有脊髓肌肉萎縮症，只不過係短短幾個月，安仔對腳已經退化得好快，最後連一步都行唔到。」楊太向記者述說安仔病發的經過。
這幾年來，安仔因不敵病魔，多次進出鬼門關，全賴母親不離不棄，衣不解帶地照顧，才能化險為夷。「醫生好坦白同我講，佢嘅情況只會一路差落去，唔會有乜嘢奇迹，叫我要有心理準備，但安仔係我個仔，我點都唔會放棄，一定會照顧佢到最後一刻。」
手推輪椅不夠力
記者看着靜靜坐在一角的安仔，足滿六歲的他，身材瘦削矮小得活像三、四歲的孩子，惹人垂憐。記者問校園生活是否快樂，他只點點頭，但想了想後又補充：「有少少唔開心，因為我冇電動輪椅。」
剛升讀特殊學校的安仔，現倚靠醫院借出的手動輪椅代步，惟因為小手臂的肌肉亦開始出現退化，操控輪椅倍覺吃力。「我對手有時會唔夠力，上斜路好辛苦，我又唔鍾意呢部輪椅要用手推，搞到對手好污糟，所以好想有部電動輪椅。」安仔扁着嘴說。
然而，對於兒子的心願，楊太坦言無力達成。「𠵱家幾仔乸連開飯都唔夠，又邊有本事攞三幾萬蚊出嚟買電動輪椅吖！」