繼莎娜蓮上星期五生咗個B女升級做媽咪，前世界網球一哥塞爾維亞嘅祖高域上星期六亦榮升第二任爸爸，根據塞爾維亞傳媒報道，祖高域嘅太太Jelena又係生咗個B女，仲改咗名做Tara，值得恭喜呀！

30歲嘅祖高域贏過12面大滿貫錦標，但佢因為手踭傷患而缺席宜家打緊嘅美國公開賽。祖高域同Jelena已經有個三歲囝囝Stefan，今次生咗個囡囡就湊成一個好字喇。