【新增太陽內容及圖片】
韓國天團BIGBANG嘅太陽同G-DRAGON(GD)都分別展開佢哋個人世界巡迴演唱會，當中太陽今晚仲唱到嚟亞博館，佢噚晚已順利抵港為今晚「TAEYANG 2017 WORLD TOUR [WHITE NIGHT]」香港站做準備。

太陽今日亞博騷前，有綵排環節畀VIP門票嘅觀眾睇，佢準時約於下午4時許現身。由於冇化妝關係，太陽就戴上帽同墨鏡現身，穿上便服見粉絲，之後就為個唱進行綵排，粉絲見到佢喺台上落力表演，即時尖叫聲四起。

而前日太陽就順利完成喺馬尼拉一站嘅演唱會，當日佢喺台上施展渾身解數演出，完成演出後，翌日即搭最早一班來港做準備，認真頻撲。

另外，GD亦都喺伯明翰演出，原來佢仲將個頭染咗新色紅色，同佢嘅演唱會主題顏色撞晒色，不過就好鬼搶眼。