浸會大學新聞系高級講師呂秉權向本報表示，內地監獄系統有很多潛規則，常常有賄賂，而有背景的囚犯可獲優待，再者「一啲罪行比較輕嘅囚犯，（法律允許）家屬探監嘅時候可近距離接觸，唔使隔住玻璃，大時大節，甚至可以喺監獄陪囚犯『宿一宵』」，以上因素或成防疫漏洞。呂指出：「中共有隱瞞基因，往往死到臨頭、紙包唔住火先肯公佈疫情，啲官員即使見到第二個華南海鮮市場，仍然會揀博一博，睇吓搞唔搞得掂先，而唔選擇上報。」
時事評論員劉銳紹亦表示，疫情之初，省級機關亦隱瞞疫情，更何況是監獄這種小單位，「中共向來唔認為囚犯有人權，今次對外公佈監獄疫情，據我了解，好可能係出現咗一啲『狀況』，例如大規模感染、囚犯反抗甚至監獄暴動，加上家屬亦可能知囚犯嘅情況，唔排除佢哋組織起嚟向當局爭取人性化對待囚犯」。他指除了監獄，拘留所甚至再教育營等無透明度可言的單位，也是防疫死角，外界難知曉當中情況。
《蘋果》記者