韓劇《鬼怪》男神孔劉今年1月拍畢《鬼怪》後，人氣有增無減，雖然佢暫時未有新作，但依然成為廣告界嘅寵兒。

韓國企業評判研究所於5月22號至6月22號進行嘅調查中，孔劉就繼續成為6月廣告代言人品牌評價嘅冠軍，可見孔劉雖然0依家冇作品推出，但依然深得廣告商喜愛。

而緊隨孔劉之後就分別為宋仲基、李尚民、趙寅成、朴寶劍、金秀賢、劉在錫、鄭雨盛等。

另外，孔劉前日去咗巴黎出席LV時裝騷，佢喺現場仲被唔少粉絲集郵。