李八方online︱林鄭又打倒昨日的我 上月指限港人出入境違法 今禁在英港人返港「穩妥」
蘋果日報 2020/12/21 20:31
李八方online武漢肺炎英國
林鄭月娥上月24日宣佈新一輪防疫措施，回應點解唔「全面封關」時講過，《基本法》規定香港居民有出入境自由，唔可以將佢哋拒諸門外，所以「全面封關」不可行。資料圖片
特首林鄭月娥反口打倒昨日的我，可能大家都唔再覺得係新聞，但既然又有一例，八方不妨同大家分享吓。話說政府決定今日午夜起，禁止過去14日曾經喺英國停留超過2小時嘅人登機來港，包括香港居民，有記者就關注，香港居民都唔能夠返港，會唔會太苛刻？同《基本法》出入境自由有冇矛盾？食衞局局長陳肇始就話599H條文下，所有決定都曾經同律政司商討，認為呢個係「穩妥」做法。
就係陳姑娘呢番話，有網民就翻林鄭舊賬，指佢上月24日宣佈新一輪防疫措施，回應點解唔「全面封關」時講過，《基本法》規定香港居民有出入境自由，唔可以將佢哋拒諸門外，所以「全面封關」不可行。事隔一個月，《基本法》無變、特首同律政司無變，既然訪英港人被拒入境係「穩妥」，居內地港人唔畀返港應該都係「穩妥」啩，咁點解會有兩套應用準則？相信要留返畀林鄭或鄭若驊親自解答。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！