反修例抗爭運動由6月至今，舉行過無數次示威遊行，抗爭戰場由最初港島區漸漸變為18區開花，7月7日九龍區大遊行後，旺角成了九龍區抗爭集中地，幾乎每晚都爆發不同程度的警民衝突，防暴警亦在旺角鬧市亂放催淚彈，情況變本加厲成為催淚彈重災區，為旺角黑夜重新下定義。曾經中風導致行動不便的男街坊，亦看不過眼日益嚴重的警暴，堅持撐着枴杖落街，與街坊一同抗爭，守護社區，盼望曙光早來。

記者：趙媛媛　攝影：徐雲庭

旺角區內住宅林立，新舊樓宇縱橫交錯，更有不少劏房住戶，人口非常稠密。每當警方在區內施放催淚彈，催淚煙更因樓宇太過密集而久久未能散去，儼如毒霧迷城。即使安坐家中，也會吸入催淚氣體，居民只能一一「硬食」，無一倖免。一晚又一晚的抗爭運動，一次又一次的催淚彈放題，不論是自發走上街頭或是無可奈何，不少旺角居民猶如進入無限輪迴般，日復日親身經歷大大小小的抗爭，吸着催淚煙目擊警察行私刑，一幕幕頭破血流的畫面歷歷在目，活在陰霾底下。

張先生便是其中一位「身經百戰」的旺角街坊，59歲的他兩年前因中風導致行動不便，但每當樓下發生警民衝突，他便撐着枴杖上街聲援抗爭者。由從前不關心政治，雨傘運動時發生佔旺事件最多只是落街「望一望」，但這次反修例運動雖都只參與和理非活動，但除了遊行上街，更走前一步向抗爭者派麵包、清水，他都一一做齊。由港島移師到18區，張先生一直與抗爭者同行，直言：「呢件事嘅發生點都係喺政府總部嘛，點解會落到社區呢？就係因為政府同警方處理得唔好。」

除了不滿送中條例，日趨嚴重的警暴問題亦驅使他站出來，「唔單止喺電視見到警察咁樣對付抗爭者，自己都喺現場見到警察咁粗暴對待佢哋。」他續指，11月中一個和平的抗爭夜，曾目擊4名年輕抗爭者於通菜街後巷被10多名防暴警察拘捕後仍遭不停毆打，導致頭破血流的恐怖畫面。張先生稱非常痛心，怒斥警員野蠻，濫用私刑，「你拘捕咗佢哋之後根本就唔應該再打佢哋」。

眼見警察打人又無法阻止，他感到十分無力，「我哋淨係可以企喺隔籬鬧啲防暴警，佢哋走咗之後就即刻叫記者影，好大灘血。」事後，他更聯同一眾街坊向附近的商店詢問，查看閉路電視到底有否拍到當時情況，希望能盡一分力，將私刑事件曝光，可惜至今未有發現。

雖然不是「Black Bloc」前線抗爭者，但一眾旺角街坊走到街頭支援，也並非大家想像中般「無成本」。無數催淚彈、橡膠子彈、布袋彈及胡椒球彈等所謂「不致命」的彈藥橫飛街頭，對於行動不便的張先生而言，簡直是一步一驚心。

「好近，真係身後咋，分分鐘行慢咗都會射中個身。」另一個抗爭夜，張先生正步行回家時，突然有一枚催淚彈在張先生身後爆開，身上沒有任何防禦裝備的他一拐一拐急步走開，幸好遇上義務急救員替他清洗皮膚及雙眼。在街頭上險些中彈後，回到早已窗戶緊閉的家中，仍然聞到一陣陣催淚煙刺鼻氣味，同類場面，已成不少旺角街坊的日常生活一部份。

雖然行動不便，出入需靠枴杖，但張先生仍堅持不懈每晚到街頭支援年輕人，因自己行動不便他選擇靠邊站，但亦要到現場作精神支持，他輕嘆：「我跑唔郁，唔想阻到佢哋。」不少老一輩都不滿抗爭者，認為抗爭「破壞社會安寧」，但張先生說他曾與年輕人傾談，對方直言遊行無用，因為「遊行完政府都唔回應，我哋都冇做到啲乜嘢，幫唔到手。」

除了警暴問題日益嚴重，他坦言現時社區越趨分裂，自己亦曾遭「藍絲」街坊偷襲，二人一同滾下樓梯需要送院醫治。張先生指曾於多次的衝突現場見到該名藍絲街坊喝醉後挑釁抗爭者，發生口角，張先生每次都作出調停，向抗爭者解釋對方飲醉酒。說回那次偷襲事件，張的眼鏡爛掉，眼、鼻，手踭及腰受傷，算是好彩。

連月參加抗爭，他感謝太太體諒，太太放假時亦陪他走到街頭，他表示未來絕不自我噤聲，日後仍會走到街頭支持抗爭者，直至「黑夜不再來」。

-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568