【運氣絕佳】手執四匹1檔馬！豐豐做「王」好輕鬆
蘋果日報 2020/02/13 14:21
排位史卓豐大籐王極速王
史卓豐今期策騎9駒上陣- 大籐王（白帽）上季曾勝田草1400米賽事
年輕騎師史卓豐早前被罰停賽8個賽日，他於2月8日沙田賽事復出，隨即憑告東尼馬房的「電路三號」迅速重開勝門，顯示其身手與信心並無低落。
周日（16日）沙田日賽，豐豐繼續獲得多位練馬師垂青，一共策騎9駒上陣。
今晨（13日）馬會公佈排位，豐豐非常有抽檔運，一共有四匹座騎抽得黃金一檔，絕對有助他爭取頭馬。
其中出戰第七場一級賽1400米女皇銀禧紀念盃的「大籐王」，雖然季內出賽四仗最叻都只是跑獲殿軍，但此駒歷來9次跑1400米，取得3冠4亞1季1殿，全部跑入前四名，可謂路有專長。
今次「大籐王」回師最佳路程兼抽得黃金一檔，縱然面對「美麗傳承」等馬王級賽駒亦不宜過份輕視。
另外角逐第九場三班1200米的「極速王」，今季出賽6次全入前四名，演出準繩。別以為「極速王」只是一匹谷草頭馬，實際上此駒三度角逐田草1200米，取得兩亞一季，從未落第。
今次「極速王」有黃金一檔之助，如能乘着近期勇態，相信絕對有力交出季內第二場頭馬。