灣仔道三級奪命火，逾百居民大逃生，部份居民走上天台避難，要由消防員協助帶返地面；部份居民自行逃落地面，十分驚險。

其中住客董先生赤腳抱貓，偕兒子由15樓乘電梯逃生。董生說，抱着貓咪、袋了銀包便衝落樓，「行出門口已伸手不見五指，大陣濃煙。我哋有四部電梯，其中高層有兩部，我照搭電梯，知道好危險，因為樓梯冇得走，已經好大煙，睇唔到路，我知消防嚟講係錯晒，搵命博！」他說起猶有餘悸。

董續說：「搭電梯已經好驚，夾硬搭，一個機會係困電梯，一個機會係希望電梯落到地下，就有生機。」他笑言最主要是人無事，愛貓亦無恙，他說貓仔養了3至4年，由於無出過街，今次走火貓仔好驚，幸好人貓皆平安逃生。有不少住客亦帶同寵物走火警，岑小姐偕家人抱着兩頭愛犬逃生，她指當時好大煙，但跟住消防指引落樓，並無混亂，「抱住狗，用濕毛巾，一齊走。」而有養鸚鵡的女住客逃生時，亦「捉佢走出去先」，她指當時好大煙，落不到樓，只有走上天台，當時天台已有10多人，最後由消防帶落樓。

而居民羅小姐住10樓，她指當時睡覺中，「門口好大煙，起火單位應為10樓以上單位，呢度好多劏房戶。走火唔混亂，消防員幫我哋，逃生冇困難。」她拖着爺爺嫲嫲最終成功逃出火場，兩老更「執子之手」流露關懷之情。羅小姐指起火大廈樓齡高，不少居民都是長者，消防及警員分別將長者扶往安全地方，亦有吸入濃煙不適住客抱同愛犬送院。

【撐學生】
召集有心人 撐學生全年睇《蘋果》
立即按此

你敢爆，我敢獎！ 立即WhatsApp《蘋果》24小時爆相爆片熱線 或致電：63836568