一去到個廁所，鄭生二話不說就入咗去，起勢咁介紹個廁所有幾咁靚。啲男記者當然唔會放棄呢個千載難逢嘅機會啦！不過，其實個廁所係未使用嘅，嚴格嚟講，都仲未算係女廁，唔怪得平時怕怕醜醜嘅鄭生，會咁大膽啦。
講開又講，華華都覺得家陣女性消費力高過男人，做生意嘅對女性顧客好啲，當然有佢哋嘅道理，但係女性去廁所多數都耐過男性，家吓新百貨將個女廁搞到咁靚，啲女顧客留喺裏面嘅時間好可能會長咗，咁啲男朋友同老公等嘅時間亦耐咗，咁係咪應該將女廁旁嘅商戶，都租畀賣男士用品嘅店舖，等佢哋消磨吓時間，話唔定間接刺激到男顧客嘅消費呢？