向華強女兒向均羚投資的護膚品牌Ex:beaute，昨日在金鐘開新分店，代言人張栢芝沒有現身撐場，但大會擺放多張她懷孕前後拍攝的廣告相，向均羚說：「栢芝安胎所以冇嚟，不過唔緊要，荷李活好多女星做咗媽咪都一樣拍廣告，我哋會繼續用栢芝。」星級化妝師RickChin也由Sk-II過檔旗下，更即場為丘凱敏化妝。
童愛玲出席活動時透露剛過去的新年與兒子王子毅（Kyle）兩個人在泰國度過，之後農曆年也會帶兒子返台灣，問她為何夫婿TonyWang不同行？童愛玲即時尷尬苦笑，再追問她即不悅地說：「你哋做乜嘢成日問我老公？我唔想講咁多，我係我，佢係佢，結咗婚都會各有各生活，我哋共同擁有嘅只係呢個仔！」她更說：「總之，我做我嘅事，佢做佢嘅事。」

談婚姻曖昧

與往日大談夫婦恩愛的習慣相比，童愛玲表現反常，問她可是婚姻出現問題，她即避而不答，叫助手代為回應：「外面都影過佢哋聖誕節一齊食飯啦，冇乜事喎。」
此外，穿性感上衣示人的袁潔瑩頻頻俯身，她自爆由昨日起改名為袁瑩，她說：「我由細到大都唔鍾意個潔字，𠵱家個名叫圓形好親切，啲朋友都話正，日本朋友又話夠潮，好多內地人都用單字㗎啦！」她更謂稍後連身份證都會改名，剔除「潔」字。
採訪、攝影：JessicaNgan