湖南衛視節目《歌手》之前請咗唔少重量歌手上去，呢一期就有汪峰就比較有勝算，主要對手就係外籍歌手Jessie J，Jessie J喺前三期全部奪冠，不過叫得中國《歌手》，應該點都有啲「潛規則」，網民估最後都係中國歌手贏出，近日《歌手》殺出「程咬金」，華晨宇以補位歌手身份唱《齊天》，首次出場已成為冠軍。

汪峰對華晨宇唱功亦不作評價，只係章子怡去探班，只講現時唱歌同演戲一樣，有時唔係有能力就行，太多人需要提高審美標準，又話「醒醒爸」唔係太理解年輕人嘅歌，就係呢一句被大陸傳媒理解為章子怡話中有話，又指華晨宇唱功遭汪峰質疑，之後再流傳關於汪峰同華晨宇嘈交一事，有指汪峰喺唱歌時想重新錄製，但華晨宇稱呢個係比賽點解要出現重新錄製，更稱汪峰資歷深應該抱住玩音樂嘅心態，怎料盛傳惹怒汪峰，令現場氣氛尷尬，件鬧得熱哄哄。

湖南衛視《歌手》節目組今日發出聲明指日前有多個「帳號媒體」發佈「汪峰、華晨宇不和鬧矛盾」等均為虛假新聞，汪峰同華晨宇喺音樂上惺惺相惜，從未發生過任何矛盾同不愉快，請發佈者立即停止傳播虛假資訊，節目組又稱會繼續監督一切侵權行為。