啟德街坊黎先生表示：「要好多條件先買得到，如果啱條件，個人能力要有先得。價錢梗係唔抵，而家人工差距咁遠，邊有可能買得到，人工追唔上樓價，合符資格都係睇下自己有無能力先得。如果自己有能力都會買俾仔女，全家商量下，做唔做得到。呢個區發展前景非常好，現時環境唔係多好，污染大，左右隔離都係地盤，往後就梗係好啦。」

啟德街坊鄺太表示：「這區居住環境幾好，住得好舒服，又有咁大個公園可以行。呢度又有晴朗商場，提供日常生活所需。附近的新居屋唔錯，本來住係度，有能力都會換新居屋。新居屋屬於中等價錢，我哋養兩個細路仔，要供樓就有啲吃力。但如果兩公婆養一個小朋友就無問題。其實新居屋超筍!呢度地段幾好，地鐵又準備通車，日後出入方便，暫時未通，交通就麻麻地，但好快就通啦嘛，地鐵站就係附近。自己住得高，噪音影響唔大，但灰塵就有啲，過多幾年所有樓盤起好哂就會少啲。有能力的情況下都會買，香港樓價原來就好高，呢個價錢係可以接受得到。」

蘋果財經，關心你飯碗
http://fb.com/appledailyatm