電影、電視劇等籌備和拍攝計劃，在武漢肺炎疫情下大受影響，前日中國官方發出通知，要求所有影視製作必須停止，直至疫情結束。當中由甄子丹主演的電影《極地搜救》，去年12月在長白山開拍，原定年初三復工，星皓電影決定延期至今年11月再開工。另外，王晶執導的電影《倚天屠龍記》和原本前日在遼寧省丹東市開拍、劉偉強做總導演的電影《冰雪長津湖》都要停止，這幾部片最少各自損失500萬人民幣以上。林小明的寰宇電影公司原定亦有兩片要開拍，前日他表示：「好彩呢兩部戲仲未埋班，所以都冇乜損失，都係延期啫！」

全面步入寒冬

有不願透露姓名的行內人透露，其實自逆權運動開始，中港兩地的影視娛樂已步入寒冬，他說︰「大家都唔知拍乜，逆權之後警匪題材已見冇人敢拍，同埋批文越嚟越難攞，批嘅時間郁吓都半年，邊仲有人敢開戲。」他又透露自吳君如套《媽媽的神奇小子》12月31日煞科後，就再未有港片開工。電影工作者總會會長田雞表示：「係有啲方案可以做，但要先同政府傾吓，再約啲電影公司老闆，睇吓可以點幫個影視圈。」演藝人協會會長古天樂表示：「香港電影工作者總會已經傾咗一啲方案，睇吓點樣幫手足們。」古仔指自己手頭上的影片已拍完，只有《G風暴》尚欠幾日香港戲份就完成，之後有好幾個月長假期休息。
採訪：鍾國仁、皓騫