【蘋果驗樓】屯門弦海鋪磚零分 浴屏門門底漏水
蘋果日報 2020/09/10 00:08
莊士中國（298）發展的屯門新盤弦海入伙，資深驗樓師詹濟南驗收張氏夫婦的一個一房單位。由於業主擔心淋浴間浴屏門門底是否真如街坊所言容易滲水，詹Sir率先睇浴屏門，未測試已肯定地說：「我寫包單一定漏！」結果一開水，花灑都未對正門，門底已經滲出一灘水，流到廁所地面濕漉漉，幸好吸咀阻隔免入睡房，「呢個設計好傻，地面跌級位置擺得唔好，正常門邊與跌級有一定距離，等啲水可以流返入企缸。」另外，企缸一邊牆身鋪木紋磚，「容易儲污迹，亦因為橫鋪，清潔好困難。」
詹Sir：「呢個設計好傻，地面跌級位置擺得唔好，正常門邊與跌級有一定距離，等啲水可以流返入企缸。」
單位多處出現空心磚，包括客廳窗外邊2塊、睡房窗外邊1塊及廁所窗外邊1塊，睡房外另一塊瓷磚則漏防水膠邊。詹Sir認為：「暫時呢啲空心磚無飛落街嘅危險，因為橫鋪，如果垂直鋪就危險啲。」「窗邊空心磚唔會即時漏水，但會影響防水性。瓷磚係保護防水層，瓷磚甩係會將防水層扯鬆影響耐用性。過去曾經見過類似情況，第五年就漏水。」至於玻璃崩點及刮花方面，房間玻璃窗出現的崩點大於1毫米，超出中國標準，建議更換，以防日後抵受不住大風而被吹爆。
房間的玻璃出現的崩點有大於1毫米，屬超出中國標準，建議更換，以防日後抵受不住大風而被吹爆。
詹Sir總結，單位鋪磚零分，窗外邊有多塊空心磚，且單位不少瓷磚都有崩及小孔，「發覺近幾年，新樓外牆空心磚幾多，我唔清楚原因，有啲係大陸預製組件，有啲自己鋪，呢個問題要整個業界面對。（大陸預製組件較多問題嗎？）好難講，互有勝負。」另外單位地板亦有「焊屎」。單位驗樓評分81分，該項目驗收多個單位評分亦在「8」字頭左右。
詹Sir總結，單位瓷磚零分，外牆窗邊有多塊空心磚，且又有崩花、夾口孔等等，單位驗樓評分81分。
業主張氏夫婦之前所擔心的問題都有出現，張太希望發展商可以照單執修。莊士中國回應，已收到業主提交的修繕項目清單，除大門門框及淋浴間浴屏門底擋水項目正等待物料供應外，其餘執修工作已完成，現待業主驗收。
-----------------------------
【全球樓行】 Dream House零距離
屬於香港人的移民攻略
-----------------------------
上車必讀天書 「九成按」入市懶人包
點擊即睇《按揭必讀手冊》電子書
-----------------------------
《蘋果》英文版免費試睇：了解更多