當年今日

戲都拍完 重有下文
胡杏兒懶理男友約會林峰

蘋果日報 2003/05/17 00:00


胡杏兒早前與林峯拍攝無綫劇集《律政新人王》時傳緋聞,劇集雖已拍竣,但她不諱言與林峯繼續有聯絡,曾相約往卡拉OK消遣。胡杏兒表示其圈外男友亦認識林峯,並了解她不會戲假情真,故對她投信任一票。
備受無綫力捧的胡杏兒工作接踵而來,早前拍攝劇集《律政新人王》(暫名)時,曾與對手林峯傳緋聞,劇集已經拍完,問二人可有繼續聯絡?胡杏兒說:「拍完套劇我哋都有約過一齊去卡拉OK,我覺得林峯份人好好,佢嘅演技都唔錯。」

駁髮演新劇
問胡杏兒其圈外男友可有呷醋?她說:「其實佢哋都有見過面,男友都好大方,佢知道我唔會戲假情真,總之我同林峯只係同事。」
稍後胡杏兒便會投入拍攝《無間道》電視版,該角色除了造型嶄新外,演技亦會受一定考驗。早前胡杏兒在《律》劇中飾演律師,特別剪了一頭短髮配合角色,不過她最近為《無》劇試造型時,據知會應導演要求駁長髮。
胡杏兒日前接受訪問時說:「新劇我同王喜係同父異母兄妹,我個角色性格好男仔,因為自幼同媽咪同埋佢個女性朋友一齊住,所以影響我嘅心態偏向好想做男人照顧屋企人,不過導演想多啲變化,我咪嘗試駁髮,有新鮮感嘛。」
採訪:比華利
攝影:林德雄
協力:羅慧敏
髮型:Kel(Hair)
服裝:DKNY
empty
胡杏兒會為新劇駁長髮。
empty
胡杏兒與圈外男友感情穩定。
empty
胡杏兒跟緋聞男友林峯仍有聯絡。